Matt Pascale & The Stomps, a nova sensación do blues rock italiano, este sábado na Rebullón

Matt Pascale & The Stomps, a nova sensación do blues rock italiano, este sábado na Rebullón

• Unha das maiores promesas do rock europeo actuará este sábado 12 de outubro, ás 22 h, desde só 13 euros en anticipada

• Presentará o seu primeiro álbum, gravado en EE.UU. co productor de discos de Billy Gibbons (ZZ Top) ou Slash (Guns ‘n’ Roses)

• O da sala Rebullón será o único concerto que Matt Pascale & The Stomps ofreza en Galicia, como parte da súa primeira xira europea.

Mos, 9 de outubro de 2024.- Este sábado, oportunidade única en Galicia para gozar do directo dun talento musical emerxente, Matt Pascale, a sensación do blues rock italiano e unha das grandes promesas do rock en Europa.

Matt Pascale & The Stomps vai presentar o seu álbum de debut, gravado en Estados Unidos baixo a produción de Fabrizio Grossi, tamén responsable de discos de músicos como Billy Gibbons (ZZ Top), Slash (Guns ‘n’ Roses), Super Sonic Blues Machine, Eric Gales, entre outros.

Na súa xira por Europa, Matt Pascale inclúe dez paradas en España por primeira vez, máis só ofrecerá un concerto en Galicia: este sábado, 12 de outubro, ás 22 horas na sala Rebullón. As entradas están xa á venda online desde 13 euros en anticipada (máis gastos de xestión) ou 16 na billeteira.

Nos seus concertos, Matt Pascale & The Stomps poñen ao público a vibrar coa auténtica paixón do italiano polo rock, que mistura con influencias do blues e da música negra. O seu son lembra a bandas do calibre de Allman Brothers Band, Jimi Hendrix, Stevie Ray Vaughan, Rory Gallagher, Black Crowes, Blackberry Smoke ou Marcus King, entre outros. Na Rebullón, ofrecerá toda a súa experiencia sobre o escenario.

Con só 24 anos, Matt Pascale foi cabeza de cartel en festivais como Notodden Blues Festival, Thrill Blues Festival, Blues in Villa e moitos outros ao longo de toda Europa. Ademais, o guitarrista italiano e a súa banda realizaron varias xiras por salas de prestixio do continente, como o Hard Rock Cafè Davos, Mulrrayfield Pub, Café Blues Memphis e moitos máis.

Ao otro lado do Atlántico, Matt Pascale estivo tocando entre Tennessee e Mississippi, en múltiples escenarios como o histórico club de blues "Ground Zero Blues Club", con artistas do calibre de Bob Margolin, mítico guitarrista de Muddy Waters.

Matt Pascale

E o domingo, teatro
Ao día seguinte, a Comunidade de Montes de Tameiga programa na sala Rebullón unha nova representación teatral dentro do ciclo Fegatea, este domingo 13, ás 19 horas, con taquilla inversa

Os veciños do lado, da Compañía Fauna 113

A Sala Rebullón

Xestionada pola Comunidade de Montes de Tameiga, a Sala Rebullón converteuse en só seis anos nunha referencia para os espectáculos escénicos e musicais en Galicia. Vén de alzarse co Premio Martín Códax da Música 2023 á mellor sala de concertos, segundo a votación dos socios e socias de Músicas ao Vivo.

A Rebullón é un proxecto cultural centrado fundamentalmente nos concertos, pero no que tamén se programan sesións de cinema, danza ou teatro, conferencias, actividades infantís ou presentacións de libros. A súa versatilidade é unha das principais características deste espazo, configurado e definido por técnicos profesionais para lograr unha acústica e funcionalidade apta para acoller ao mellor da escena cultural galega.

A Comunidade de Montes de Tameiga

A Comunidade de Montes Veciñais en Man Común de Tameiga (Mos) é unha entidade sen ánimo de lucro que aglutina a máis de 400 familias comuneiras e xestiona actualmente 90 hectáreas de superficie forestal para conseguir beneficios medioambientais, sociais, enerxécticos e económicos para a súa veciñanza. O seu obxectivo principal é a defensa e protección do patrimonio común.

Xestiona os recursos acuíferos do territorio en beneficio da veciñanza comuneira e dispón dunha comunidade enerxética que reparte 350 pedidos anuais de 3 m³de biomasa cada un, a prezo de costo. Ademais, a entidade é titular dun viveiro de empresas e do polígono industrial de Monte Faquiña, con máis de 20 naves industriais, que conta con instalacións fotovoltaicas que permiten un autoconsumo individual, abaratando os costes de producción e mellorando a competitividade das empresas.

Por outra banda, a CMVMC de Tameiga desenvolve unha intensa actividade sociocultural, a través da organización do festival infantil Miúdo Fest e da programación do CSCD As Pedriñas e da Sala Rebullón. Tamén colabora con organizacións deportivas, educativas e sociais do municipio.

Versión web

En cumprimiento do disposto na Lei Protección de Datos, para o exercicio dos seus dereitos de acceso, rectificación, cancelación e oposición ao tratamento dos seus datos personais, contidos nas nosas condicións de protección de datos, só ten que responder a este e-mail indicando o seu email no asunto, ou ben a través do envío de un correo ordinario a la dirección: Avd. Rebullón 23. Se desexa darse de baixa tamén pode premer aquí.