Mos, 19 de agosto de 2026.- Os Solpores da Rebullón achéganse á súa fin e, como parte da traca final, chega un dos proxectos galegos máis versátiles e de maior crecemento: Exeria, o equilibrio perfecto entre o decibelio e a metáfora, entre o rock de raíz e a exploración sonora.

 

Músicos experimentados formaron Exeria no 2021 para dar renda solta ás súas composicións sen etiquetas. E a banda consolidouse rápidamente grazas a unha xira de máis de vinte concertos e ao éxito de traballos como o seu EP “Sobre a independencia” (2024). No 2026, Exeria lanza “Todo é imposible”, elevando a súa aposta sonora cunha mestura de rock e hip-hop e cun padriño de excepción: Nick Brine, produtor que traballou con bandas como Oasis, Stereophonics, Brusce Springsteen e Coldplay, entre outras.

 

A súa traxectoria está trufada de éxitos. Gañadores do concurso Trece Roeis Fest,  segundo premio no III SalvaxeSons (The Wild Fest), finalistas no Rock in rian e Ondas Indies, e escollidos pola artista Sés –no programa EnFoco 25 da Fundacion SGAE– para colaborar con eles nun dos seus concertos.

 

En directo, Exeria xa amosou a súa valía en salas emblemáticas galegas como a Capitol, o Club Clavicembalo, a Fábrica de Chocolate ou o escenario do Festival Revoltallo, entre outros. 

 

A versatilidade de Exeria permítelles brillar tanto en festivais eléctricos como en formatos acústicos e íntimos. É o caso dos Solpores de Rebullón, que reciben a Exeria mañá xoves 20, co novo horario dos Solpores a partir das 20:30 horas, con entrada polo sistema de billeteira inversa.